كيف ممكن نشرب كمية مية أكتر باليوم؟

انا بتوقع أنه اغلبنا منعرف فوائد المي بس أنا أشك أنه كلنا منشرب الكمية المناسبة لجسمنا. صح؟ (شاركونا بالتعليقات قديش بتشربوا مي باليوم)

1.نضيف نكهة للمي:

شرب كمية كبيرة من المي بالنسبة لبعض الناس بيكون زي العذاب و خصوصا انه المي ما الها طعم. ممكن نعمل شرب المي اشي ممتع لو ضفنا عليه شرحة من فواكة طازجة (مثل الفرولة و الليمون و الجريب فروت) أو حتى خضار (زي الخيار و الزنجبيل) ممكن حتى نحط أعشاب (مثل النعنع).

2.نشرب كاسة مي كل ما نستخدم الحمام: ممكن نخلي هاي الطريقة عادة إلنا... مش بالضرورة يعني لما نستخدم الحمام ممكن تزبط ع اي اشي بعمله كتير باليوم. فمثلا كل ما اقوم للحمام, بقدر امر عالمطبخ و اشرب كاسة مي. مافي مانع كل ما امر من جنب انينة المي اخدلي كاسة.

3.شربة صغيرة قبل كل وجبة: لما يلف النادل و ياخد الطلبات للمشروبات, دايما اطلب مي. فكرة انه تكون المي موجودة رح يخليك تتذكر تشربها ... و حتى و احنا بالبيت, ليه ما نخلي كاسات مي لما ناكل.

4.استخدم تطبيق عالتلفون ليتابع معك: نضل متابعين قديش شربنا مي و قديش لسه ضايللنا نشرب هي اشي كتير سهل و ممتع مع مساعدة صغيرة من تطبيق إلكتروني.

5.نخفف عصيرتنا المحلاة بشوية مي و ثلج: اذا كنت عم تشرب عصير أو ليموناضة أو حتى شاي مثلج ك عادة يومية, ممكن تزيد مي أو ثلج عليه بنسبة (1:1) مثلا. رح تقدر ب هالطريقة تحصل عالحلاوة يلي بدك اياها و بنفس الوقت ع كمية منيحة من المي لتساعدك تلبي احتياجاتك.

6.خلي قنينة مي جنبك: من الأسهل انك تتذكر تشرب مي اذا كانت المي موجودة حوليك. خلي قنينة المي الكبيرة بالكمية المناسبة جنبك عالمكتب وقت الشغل و جنب التخت وقت النوم و حتى على طاولة المطبخ ك منبه دائم إلك لتشرب مي.

7. اختر المي الفوارة أو الغازية بدل المي العادية: هي فكرة حلوة للناس يلي ما بتحب طعم المي و مع عصرة ليمون رح تكون طعمها اقرب للعصير.

8.ناكل الأطعمة الغنية بالمي: طريقة مخفية لنزيد المي يلي منشربها يوميا انه نزيد خضار و فواكه محتواها عالي من المي ع قائمة مشترياتنا مثل الخيار والفقوس و البطيخ و الجريب فروت.

9.نستخدم قنينة مي معيّرة: نسخدم قنينة عليها عيارات باللتر أو بالساعات يلي بتساعدنا نوصل لهدفنا باليوم للكمية يلي لازم نشربها, و رح نعرف بالزبط قديش لازم نعبيها كمان مرة.